Life Story Of Justin Bieber (Hindi)

Dosto aaj main baat karne jaa rha hu duniya mein sabse successful singers mein se ek, Canada ke Justin Bieber​ ki. Jinhone apni choti si umar mein apne adbhut singing talent se bahut saare world record break kiye hai. Dosto unki success ka andaja aap issi baat se laga sakte hai ki abhi unki age kewal 23 years hai. Aur sirf 23 years ki age mein, 1 Grammy Award, 8 MTV Music Awards aur 13 Billboard Music Awards jaise bahut saare awards unhone apne naam kar liya hai.

Iske alawa aaj ke samay mein Twitter par unhe kareeb 10 crore log follow karte hai, aur agar baat ki jaye unke Facebook page ki toh waha par bhi kareeb 8 crore likes hai. Aur unke sabhi Albums release hote hi poori duniya mein hit ho jaate hai. Lekin dosto itne bade star ke success ke peeche YouTube ke platform ka bhi bada haath hai.

Justin Jeremy Bieber ka birth 1 March 1994 ko London ke Ontario city mein hua tha. Unke mother ka naam Patricia aur father ka naam Jeremy Bieber hai, jinhone kabhi bhi ek doosre se shaadi nhi ki thi. Lekin woh Justin ko ek achhi life dene ke liye hamesha ek doosre ke kaareb bane rahe.

Justin ko shuru se hi music mein kaafi interest tha, jiski wajah se unhone apne bachpan se hi piano, guitar aur drum seekhna shuru kar diya tha. Unke interest Ko dekhte hue, unki mother ne bhi Justin ka poora support kiya aur sirf 12 years ki age mein Stratford ke ek local singing competition mein participate karwaya, jaha Justin ne American singer "Ne-Yo" ka "so sick" gaana gaaya tha aur uss competition mein unki singing itni jabardast thi ki apne se kahi bade competitors ko beat karte hue Justin second winner bane.

Fir dheere dheere apne area mein apni singing ko lekar famous hone lage. Uske baad Justin ne bahut saare stage shows mein bhi perform karna start kar diya. Justin ke har performance ko unki mother camera mein record karti thi aur apne friends aur family ko dikhane ke liye YouTube par upload kar deti thi. Lekin dekhte hi dekhte unke gaaye hue gaane poore desh mein bahut pasand kiye jaane lage.

Ussi time Scooter Braun apne ek album ke liye singer ki talash mein the. Tabhi unhone Justin ka gaaya hua gaana YouTube par dekha aur iss chhote bachhe ki awaz se kaafi impressed hue, jiske baad unhone Justin ke ghar par unki mother se phone par baat kiya aur ek album mein Justin ko gaana gaane ke liye offer kiya. Patricia iss call se maano khushi se pagal hui jaa rahi thi, lekin iss baat ka unhe yakeen nahi ho raha tha. Unhe laga ki ye call shayad koi fraud call tha. Isliye unhone fir se confirm kiya aur pata chala ki Braun sach mein Justin se apne album mein singing karwana chahte hai. Uske baad Justin, demo tape record karne ke liye, Georgia ke Atlanta city gaye aur fir demo ke ek week baad unhone album ke liye singing start kar diya.

Justin ke debut album ke recording ke beech mein hi unka pehla gaana 2009 mein "One Time" ek radio station par relaese kiya gaya, aur iss song ke release hone ke ek week ke andar hi sabhi records break kar diye. Aur Canada me hot 100 songs mein 12th position par apni jagah bana li. Iss song ko Canada mein Platinum aur Australia, New Zealand aur America mein Gold se certified kiya gaya.

19 March 2010 ko Justin ka pehla full studio album "My World 2.0" kiya gaya. Jiske bahut saare gaane Billboard ke hot 100 mein shaamil ho gye. Issi album ka "Baby" song world wide hit ho gaya. Bas yahi se Justin Bieber ne kabhi bhi peeche mud kar nahi dekha aur apne khelne kudne waale dino mein Justin bade bade world record banate rahe. Justin ka gaya hua "Baby" song kaafi years tak YouTube par sabse jyaada dekhe jaane waala song raha. Lekin "Gangnam Style" song ke aane ke baad ye gaana ab second most popular mein aa gaya hai.

Justin ko Grammy Award for best dance recording 2016 mein "Where are you now" song ke liye diya gaya. Justin ne MTV music award bhi 8 baar jeeta hai. Dosto aapko bata du, iss baar pehli baar Justin Bieber India Tour par hai, aur wo Mumbai mein Indians fans ke beech 10 May ko perform kar chuke hai.

Dosto mujhe umeed hai ki Justin ki life story aapko jarur pasand aayi hogi. Apne vichaar neeche diye gaye comments mein jarur share kare.

Disclaimer: This article is based on internet research, it may not be 100% accurate.