Reliance Jio Exposed

2002 mein Dhirubhai Ambani ki death ke baad, Anil Ambani aur Mukesh Ambani ke beech Reliance Empire ki ownership ko lekar behasbaaji lagi thi. Dono hi apne tareeke se Reliance ko chalana chahte the. Dheere dheere jab ye baat public mein bhi aane lagi, toh isi ladayi ko rokne ke liye fir unki mother Kokilaben Ambani ko Reliance ka dono ke beech batwara karna pada. Jisme Anil Ambani ko mile Telecom, Entertainment, Power aur Financial Services ke business, aur Mukesh Ambani ko mila Reliance Industries aur IPCL.

Jabki Anil Ambani ko Reliance communication batware mein mila tha lekin woh Mukesh Ambani hi the jinhone Reliance communication Ko start kiya tha. Unhone hi Reliance communication ke launch ke time kaafi phones free mein baate the aur India mein cheaper call rates introduce kari thi aur fir unhi ki wajah se baaki competitors ko game mein rehne ke liye apni call rates kam karni padi. Uss samay Anil Ambani Reliance communication ke board of directors mein bhi nhi hua karte the, fir bhi barware mein Anil Ambani ko woh company de di gayi. Aur Mukesh Ambani aur ek Telecom company na start kar de isliye batware ke time unke agreement mein ek non compete clause bhi daala gya. But 2010 mein jaise hi unka non compete agreement expire hua, Mukesh Ambani ne Infotel Broadband mein 96% ownership khareed li.

Infotel Broadband uss time India ke sabhi sectors mein 4g spectrum jeet chuki thi. Mukesh Ambani ne iss company ko khareed ke, isse ek naya naam diya, "Jio". 2010 mein jab India mein 3g bhi dhang se nahi aaya tha, tabse Mukesh Ambani apna 4g network banane mein lage pade the.

Yaha baat sirf personal Dushmani ki nahi hai. Yaha baat hai Mukesh Ambani ke Reliance communication ke saath personal experiences ki. Mukesh Ambani ko ek baat definitely pata hai, ki market mein jo existing network providers hai na, woh jyada khaas nhi hai. Aur woh khud iss kaabil hai ki unse compete kar paye. Telecom ek bahut lucrative business hai, aur Mukesh Ambani iss business ke pakke khiladi reh chuke the.

Telecom companies on an average ek user se ₹150 per month earn karti hai, but still Jio on an average ek customer in sab se jyada paise kamane waali hai, just because woh apne tarrif plans ki pricing aur services sabse alag leke chal rahi hai.

Jio all over India mein Unlimited free calls, Double data aur Night Unlimited karke, on an average har customer se ₹250 earn karenge. Yahi reason hai ki woh abhi se logo ko unlimited data deke unhe subconsciously bhi prepare kar rhe hai, aage jyada spend karne ke liye. Aur saath hi saath, day by day apne network ki kamiyo ko bhi dur karne mein lage pade hai, taaki March ke baad paying customer koi problem na face kare.

Jio ne apne fibre optic network mein 1.5 lakh crore rupees invest kare hai. Agar hum Airtel, Vodafone aur Idea ko combine bhi kar dena toh bhi ye unse do guna jyada investment hoti hai.

Overall India ko aisi companies ki jarurat hai jo itne bold moves uthaye aur India mein Invest kare aur mujhe personally​ nahi lagta ki Mukesh Ambani ke alawa iss project ko shayad koi aur sambhal bhi paata. It is a win-win situation, jaha long term mein consumers aur company dono ko faayda hoga.